AK62 படத்தை பிரபல இயக்குனரும், நயன்தாராவின் காதலனுமாகிய விக்னேஷ் சிவன் இயக்க உள்ளதாக லைகா புரொடக்சன்ஸ் அறிவித்துள்ளது. விக்னேஷ் சிவன் இயக்கத்தில், அஜித்குமார் நடிப்பில், அனிருத் இசையில் வேற லெவல் காம்போவாக உருவாக உள்ளது இந்த படம்.
இந்த அறிவிப்பு வெளியானது முதல் அஜித் ரசிகர்கள் செம குஷியில் உள்ளனர். இயக்குனர் விக்னேஷ் சிவன் நானும் ரவுடிதான், தானா சேர்ந்த கூட்டம் போன்ற வெற்றிப்படங்களை கொடுத்தவர். தற்போது காத்து வாக்குல ரெண்டு காதல் என்ற படத்தை இயக்கி வருகிறார். இந்த படத்தில் விஜய்சேதுபதிக்கு ஜோடியாக சமந்தா மற்றும் நயன்தாரா ஆகிய இருவரும் நடித்து வருகின்றனர்.
தற்போது லைகா அறிவிப்பின் படி அஜித்குமாரின் 62-வது படத்தை விக்னேஷ் சிவன் இயக்க உள்ளார். வலிமை படம் மூன்று ஆண்டுகளுக்குப் பிறகு திரையில் வெளியாகி ரசிகர்களுக்கு மகிழ்ச்சியை கொடுத்தது. அவரின் அடுத்த படப்பிடிப்பு தொடங்குவதற்கு முன்பே 62வது படத்தின் அறிவப்பு வெளியானதால் ரசிகர்கள் மகிழ்ச்சியில் ஆழ்ந்துள்ளனர். இயக்குனர், பாடலாசிரியர், படம் தயாரிப்பு என பன்முகத்தன்மை கொண்டவர் விக்னேஷ் சிவன். இவர் ஏற்கனேவே அஜித்தின் என்னை அறிந்தால் படத்தில் “அதாரு அதாரு” என்ற பாடலை எழுதியிருந்தார். இந்த பாடல் பெரிய வெற்றி அடைந்தது. YOUTBE VIDEO CODE EMBED CREDITS: GALATTA TAMIL
இதை தொடர்ந்து வலிமை படத்திலும் “நாங்க வேற மாதிரி” பாடலை விக்னேஷ் சிவன் எழுத அதுவும் பெரிய வெற்றியை கொடுத்தது. இதனால் மகிழ்ந்து போன அஜித் விக்கேனஷ் சிவனை போனில் அழைத்து பாராட்டியதாக கூறப்படுகிறது. மீண்டும் வினோத்துடன் இணைந்து AK61 படத்தில் அஜித் கமிட் ஆகியுள்ளதால் AK62 படத்தின் படப்பிடிப்பு இந்த ஆண்டு இறுதிக்குள் தொடங்கும் என நம்பப்படுகிறது. அந்த வீடியோவை நீங்களும் காண..Watch the below Video..
Disclaimer: If you have any concerns with the Article, Please feel free to mail us at contact@theindiantimes.in