நடிகர் பிளாக் பாண்டியை வாழ்த்திய இலங்கை அமைச்சர்…..ஏன் தெரியுமா?

இவர் நடித்த அங்காடி தெரு படம் இவருக்கு சினிமாவில் நல்ல வரவேற்பினை பெற்றுக்கொடுத்தது.இந்த படத்தின் மூலம் பல தமிழக மக்களை சென்றடைந்தார் பிளாக் பாண்டி.இவர் இறுதியாக தமிழில் நடித்த படம் தளபதி விஜய் நடிப்பில் வெளியாகிய ஜில்லா படம் தான்.இப்படத்திற்கு பிறகு இவர் எந்த படத்திலும் நடிக்கவில்லை.படவாய்ப்புகள் தற்போது இல்லாததால் தனக்கு கிடைக்கும் வருமானத்தினை வைத்து மக்களுக்கு நல்லது செய்து வருகிறார் பிளாக் பாண்டி.இது பலருக்கும் தெரிவதில்லை காரணம் விளம்பரம் இவருக்கு பிடிக்காது என்பதால்.தனது சொந்த வருமானத்தின் மூலம் 100 ஏழைகளுக்கு வாரம்தோறும் உணவு வழங்கி வருகிறார் பிளாக் பாண்டி.

மேலும் கஷ்டப்படும் பல குடும்பங்களுக்கும் தன்னால் இயன்ற உதவியை செய்து வருகிறார்.இந்நிலையில் ஸ்ரீலங்காவில் பொருளாதாரம் சரிந்து மக்கள் வாழ்வாதாரம் பாதித்துள்ளது.அந்நாட்டு மக்கள் அத்தியாவசிய பொருட்கள் கூட வாங்க முடியாமல் கஷ்டப்பட்டு கொண்டு வருகின்றனர்.இந்நிலையில் பிளாக் பாண்டி ,இலங்கை மக்களுக்கு அத்தியாவசிய பொருட்களை வழங்க அனுமதி கோரி இலங்கை அமைச்சர் டக்ளஸ் தேவானந்தவிற்கு கடிதம் எழுதியுள்ளார்.இதனை பார்த்து படித்த அமைச்சர் நடிகர் பிளாக் பாண்டிக்கு பதில் கடிதம் எழுதியுள்ளார்,அந்த கடிதத்தில் அவர் கூறியுள்ளதாவது,தமிழக மக்களிடம் இருந்து பொருட்களை சேகரித்து இலங்கைக்கு நீங்கள் உதவ முன் வந்திருப்பது தமிழ் மக்களுக்கும் ஈழ மக்களுக்கும் இடையே உள்ள தொப்புள்கொடி உறவை மீண்டும் உயிர்ப்பித்திருக்கிறது.நீங்கள் பணியை தொடங்குங்கள் நான் கப்பல் அனுப்பி பொருட்களை பெற்றுக்கொள்வதாக கூறி அவரை வாழ்த்தி கடிதம் எழுதியுள்ளார்.இந்த செய்தி வெளியாகியதை கேட்டு மக்கள் அனைவரும் நடிகர் பிளாக் பாண்டியை பாராட்டி வருகின்றனர்

Embed video credits : Indiaglitz

Disclaimer: If you have any concerns with the Article, Please feel free to mail us at contact@theindiantimes.in