சர்ச்சையை கிளப்பிய தாய் கிழவி பாடல்…எழுந்த கண்டனம்

தற்போது இயக்குனர் மித்ரன் ஜவஹர் இயக்கத்தில் திருச்சிற்றம்பலம் படத்தில் நடித்துள்ளார் நடிகர் தனுஷ்.இப்படத்தில் கதாநாயகியாக ராஷிக்கண்ணா,பிரியா பவானி சங்கர்,நித்யா மேனன் ஆகியோர் நடித்துள்ளனர்.அனிருத் இசையமைக்க சன் பிக்ஸர் நிறுவனம் இப்படத்தினை தயாரித்துள்ளது.அண்மையில் இப்படத்தின் முதல் பாடலை படக்குழு வெளியிட்டுள்ளது.இந்த முதல் பாடலான தாய்க்கிழவி பாடலை நடிகர் தனுஷ் எழுதி பாடியுள்ளார்.இந்நிலையில் இப்பாடலில் இடம்பெற்றுள்ள தாய்க்கிழவி பாடல் வயதானவர்களை இழிவு படுத்தும் விதமாக அமைந்துள்ளதாக நடிகர் தனுஷுக்கு தமிழ்நாடு பால் முகவர்கள் சங்கம் கண்டனம் தெரிவித்துள்ளது.

தமிழ்நாடு பால் முகவர்கள் தொழிலாளர் நல சங்கத்தின் நிறுவன தலைவர் ஆன சு.ஆ.பொன்னுசாமி வெளியிட்டுள்ள அறிக்கையில் கூறியிருப்பதாவது,வயதான உறவுகளை தாத்தா பாட்டி என்று அழைத்த காலம் உள்ளது,அதனை சீரழிக்கும் விதமாக தாய்க்கிழவி என்ற பாடல் வெளியாகியுள்ளது.,தவறான வரிகளை கொண்டு பாடல் எழுதிய தனுஷுக்கு தமிழ்நாடு பால் முகவர்கள் சங்கம் கண்டனம் தெரிவித்துக்கொள்கிறோம் மேலும் தாய்க்கிழவி எனும் வரியினை நீக்கி பாடலை வெளியிட வேண்டும் என கோரிக்கை எழுப்பியுள்ளனர்.

Disclaimer: If you have any concerns with the Article, Please feel free to mail us at contact@theindiantimes.in