ராகவா லாரன்ஸ் பின்னணி நடனம் ஆடுபவராக தமிழ் சினிமாவிற்குள் நுழைந்தார்.பல கனவுகளை கையில் வைத்துக்கொண்டு கடினமாக போராடினார்.சூப்பர் ஸ்டார் ரஜினிகாந்த் நடிப்பில் வெளியாகிய உழைப்பாளி படத்தில் பின்னணி நடனம் ஆடுபவராக முதல் முறையில் வெள்ளித்திரையில் தோன்றினார்.அதனை தொடர்ந்து படிப்படியாக முன்னேறி 1999ஆம் ஆண்டு வெளியாகிய ஸ்பீட் டான்சர் என்ற தெலுங்கு படத்தில் நடித்து நடிகராக சினிமாவிற்குள் நுழைந்தார்.பின்னர் அஜித் குமார் நடிப்பில் வெளியாகிய உன்னை கொடு என்னை தருவேன் படத்தில் நடித்து தமிழ் சினிமாவில் அறிமுகம் ஆகினார்.தொடர்ந்து சிறு சிறு கதாபாத்திரத்தில் நடித்து வந்த ராகவா லாரன்ஸ் 2002 ஆம் ஆண்டு வெளியாகிய அற்புதம் படத்தின் மூலம் ஹீரோவாக களம் இறங்கினார். வீடியோ கீழே கொடுக்கப்பட்டுள்ளது
பின்னர் தெலுங்கில் படங்களை இயக்கவும் தொடங்கினார்.தமிழில் இவர் இயக்கி நடித்த முனி படம் மாபெரும் வரவேற்பினை இவருக்கு பெற்று கொடுத்தது.இந்த படத்தில் இருந்து இவர் தமிழ் சினிமாவில் முன்னணி நடிகராக உருவெடுத்தார்.இப்படத்தினை தொடர்ந்து காஞ்சனா,காஞ்சனா 2 ,காஞ்சனா 3 என வரிசையாக வெற்றி படங்களை கொடுத்து குழந்தைகள் முதல் பெரியவர்கள் வரை என அனைவரையும் கவர்ந்தார் ராகவா லாரன்ஸ்.தற்போது அதிகாரம்,ருத்ரன் மற்றும் சந்திரமுகி 2 என தொடர்ந்து படங்களில் நடித்து வருகிறார்.
தற்போது ருத்ரன் படத்தில் இடம்பெற்றுள்ள ரீமிக்ஸ் பாடலான பாடாதாபாட்டெல்லாம் பாட வந்தாய் என்ற பாடல் நாளை வெளியாக உள்ளது.தற்போது இப்பாடலின் முன்னோட்டமாக ப்ரோமோவை வெளியிட்டுள்ளது படக்குழு.ப்ரோமோ ரசிகர்களிடம் நல்ல வரவேற்பினை பெற்றுள்ளது,ரீமிக்ஸ் பாடலாக இருந்தாலும் பழைய பாடல் அனுபவத்தினை கொடுப்பதாக ரசிகர்கள் கருத்துக்களை பதிவிட்டு வருகின்றனர்.மேலும் நாளை பாடலை கேட்க மிகுந்த ஆவலுடன் இருப்பதாகவும் கருத்துக்களை பதிவிட்டு வருகின்றனர்.
Embed video credits : SAREGAMA
Disclaimer: If you have any concerns with the Article, Please feel free to mail us at contact@theindiantimes.in